Шара өтетiн күнi алаңға журналистер, суретшiнi қолдаушылар көптеп жиналыпты. Полицейлер де аз емес. Қ.Ибрагимов уәделескен уақыттан кешiкпей келдi. Суретшi тәуелсiздiк мону­ментiнiң дәл түбiне жайғасып, қағазға орап әкелген балықтың басын шабуға ыңғайлана бастап едi, жай киiммен келген полицейлер оны жан-жақтан қаумалап алып, балыққа жармасты. «Мұндай үлкен балықты қайдан ұстағансың?» — деп жатты араларындағы бiреуi. «Қасиеттi жерге балық әкелгенiң не?!», — дегендерi де болды арасында. Ақырында еңбектенiп әкелген балығын иесiне қайтарып бердi. Бiрақ, «бас шабу» шарасын монументтен аулағырақ барып iстеудi сұрады.

Содан Қ.Ибрагимов әрiрек барды да, балықты жерге қойды. Сосын: «Балық басынан шiридi! Рыба сгниет с головы!» – деп қазақ және орыс тiлдерiнде бiрнеше мәрте айқай салды да, балықтың басын шауып тастады.

Сол аралықта Ибрагимовке подполковник шенiндегi полиция қызметкерi келiп, iшкi iстер бөлiмшесiне баруы керектiгiн айт­ты. Суретшi қарсыласқан жоқ. «Бәрiбiр жайыма жiбермей­сiңдер ғой, баратын жерiмiзге тезiрек барайық» дегендей поли­цей­лердiң алдына түсiп, дайын тұрған автобусқа кiрiп кеттi.

Суретшi Қанат Ибрагимовтың әрiптесi Сәкен Бектияровтың айтуынша, «бас шабу» шарасын ұйымдастырғандарды «қо­ғамдық тәртiптi бұзды» деп та­уып, түсiнiктеме алған соң үйлерiне жiберiптi.