8 желтоқсан 2009
Желтоқсан құрбандарын еске алу әрбiр қазаққа керек
1986 жылғы Желтоқсан оқиғасы қазақ халқына, қазақ жастарына ауыр тидi. Қанша азамат жұмыстан қуылды, үйдiң кезегiнен алынып тасталды, қаншама студенттер оқудан шығарылды. 99 адам сотталды. Қайрат Рысқұлбеков, Ербол Сыпатаев, Ляззат Асанова, Сәбира Мұхамеджанова құрбан болды.
Қайрат Рысқұлбековке кейiннен Қалық қаһарманы деген атақ берiлдi. Өткен жылы Ербол мен Ләззатқа Жаркент қаласында ескерткiш орнатылды. Бұл ескерткiштiң орнатылуы Панфилов ауданының әкiмi Ермек Келемсейiтов пен Алматы облысының әкiмi Серiк Үмбетовтiң арқасы деп ойлаймын. Мұхтар Шаханов ағаның келiсiмi бойынша Оңтүстiк Қазақстан облысында ұлттық ойынымыз тоғызқұмалақтан жыл сайын Желтоқсан құрбандарын еске алуға арналған республикалық турнир өткiзiп келемiн. Биыл құдай қаласа он екi жыл болады. Әр жылдың өзiндiк қиыншылығы болды. Жылда демеушi iздеймiн. Осы уақытқа дейiн Арыста бармаған адамым қалмады...
Мен мектепте мұғалiммiн. Болмайтын нәрсенi iстейсiң деген мектеп директорын да көрдiк. Желтоқсан оқиғасы болмайтын нәрсе ме? Демеушi iздеп шаршадым. Ешкiмге алақан жаймайын-ақ деп 2006 жылы “Желтоқсан құрбандарын еске алу” қоғамдық қорын аштым. Қорға бiрiншi болып қандас бауырымыз Кемер облысының губернаторы Аман Төлеев өз қалтасынан 100 000 (жүз мың) рубль салды.
Оңтүстiкте қайтсем Желтоқсан құрбандарын еске аламын деп шырылдап жүрген азаматтың бiрiмiн. Желтоқсан құрбандарына жаны ашитын азаматтар табылар деген оймен қордың реквизитiн берiп отырмын.
“БТА БАНК” ДО филиал “Темiр БАНК” Шымкент қ.
РНН 581700213288
ИИК 000700947
БИК 195801777
КОД 16
“Желтоқсан құрбандарын еске алу” қоғамдық қорының президентi Тоқтыбек Қарынбай.
Уәж айту