Аштық жариялардан бұрын Рамазан Есiркепов Еуропадағы қауiпсiздiк пен ынтымақтастық ұйымына мүше 55 елдiң атына арнайы мәлiмдеме жасаған болатын. Онда: “Сiздерге үшбу хат жолдап отырған — “Алма-Ата ИНФО” басылымының бас редакторы Рамазан Есiргепов. Мен кәсiби қызметiм үшiн iстi болып, 3 жылға сотталып, жалпы ре­жимдегi колонияда қамалып отырмын. Жаза мерзiмi бiткен соң 2 жыл бойы баспа iсiмен және журналистикамен айналысуға құқығым жоқ. 2002 жылы “Начнем с понедельника” газетiн басқарып жүргенiмде де сыбайлас жемқорлыққа қарсы мақалалар жариялағаным үшiн 1 жыл шартты жазаға кесiлген едiм. Кейiннен толықтай ақталып шықтым. Ал 2007 жылы президент әкiмшiлiгiнiң, бас прокурордың және оның төрт орынбасарының, IIМ министрiнiң, Алматы қаласы әкiмiнiң және басқа да шенеу­нiктердiң үстiнен менi заңсыз қудалағаны үшiн талап-арыз түсiргенiмде прокуратура мен соттың iсi заңсыз екенi әш­кереленiп, менiң ар-ожданым аяққа тапталғаны дәлелденген. Мiне, 15 жыл болды, тәуелсiз ұстанымыммен бүгiнгi режимдi ашық сынағаным үшiн билiк менi қудалауын тоқтатпай келедi”, – делiнген. Өз мәлiмдемесiнде Р.Есiркепов Қазақстандағы қа­зiргi қалыптасқан саяси жағдайға наразылық ретiнде 6 шiлдеден бастап аштық жариялайтынын да ашық айтқан. Қазақстандағы адам құқықтарына қатысты қалыптасқан жағдайға байланысты ЕҚЫҰ-ға мүше елдер тарапынан нақты әрекеттер жасалмайынша аштықты тоқтатпайтынын да ескерткен.

Рамазан Есiргеповтiң жұбайы Раушан Есiргепованың айтуынша, қазiр түрме басшылығы саяси тұтқынның жағдайы туралы шындықты қоғамнан жасырып, оған дәрiгерлiк жәрдем көрсетпеген. Мұны айтасыз, олар аштық жария­лаған Р.Есiргеповтi күнде асханаға саппен айдап апарып, мәжбүрлi түрде тамақ iшкiзуге үгiттейдi екен.