1921 жылы 22 наурыздан шыға бастады
Бастапқы
АЙТЫЛҒАН СӨЗ
Қазір зиялы қауым арасында «Елім, жұртым!» деп ұрандаушылар саны басым. Олар бір қарағанда, қазаққа шын жанашыр тәрізді көрінеді. Алайда айналып келгенде, қазақ зиялыларында турашылдық жоқ. Ақиқатында, ұлттың мақсат-мүддесін көздейтін, ұлт үшін шыбын жаны шырқырайтын адам саусақпен санарлық. Осыны біліп отырған халық «біздің зиялыларымыз тым жалтақ» демегенде не дейді?
Автор: Тұрсынбек Кәкішев, жазушы-ғалым
Информационный сервер xFRK: валютные баннеры для Вашего сайта
Жас Алаш №51 (16237)   27 маусым, сейсенбі 2017
"МЫҢНАН БІР МЕЗЕТ" "Жас Алаштың" ғылыми-танымдық қосымшасы.
27 маусым 2017
Тамақ ішпейтін отбасы

Калифорния мен Эквадордың аралығын мекен еткен отбасы өздерінің тамаққа тәуелді емес екенін айтады. 34 жастағы Акахи Рикарда мен оның зайыбы Камила Кастеллоның пайымынша, олар күннің энергиясымен қуаттанады екен. Жас отбасы аптасына үш-ақ рет тамақтанады. Сирек тамақтану – олардың өмірдегі басты қағидасы. Екі баланың анасы Камила тіпті аяғы ауыр кезде де бұл қағидадан бас тартпаған. Ол тұңғышына жүкті болған 9 айдың ішінде бес-ақ рет тамақтаныпты. Камила аяғы ауыр кезде баласы өзінің махаббатымен қоректенгеніне сенімді. Ол дұрыс дем алу жаттығуларын жасау арқылы баласын аман-сау дүниеге әкелген.
Камила осыдан біраз жыл бұрын күйеуі екеуінің мүлдем тамақ жемеген күндерін еске алып, сол уақытта өте бақытты болғанын айтады.
«Үш жылдай уақыт Акахи екеуміз ештеңе жемедік. Ал қазір сирек тамақтанамыз. Кейде мен жеміс-жидек жегім келеді. Сол уақытта отбасымызбен бірге жеміс-жидек немесе басқа да жеңіл тағам түрімен тамақтанамыз. Айтпақшы, жүктілік кезіндегі тексеріс нәтижелері өте керемет болды, мен дені саубалаларды дүниеге әкелдім»,– деп қуанышымен бөліседі. Олар алғашында тек көкөніспен ғана тамақтанса, қазіргі кезде тамақты шикідей жейді екен. Осы күні бұл отбасы тамаққа аса көп қаражат жұмсамайды. Оның орнына олар жиі саяхаттайды, білім алады.

ӨЛІ ҚАЛА
Батыс Шпицбергенде орналасқан Лонгйир қаласының аумағында «адамның өлуіне тыйым салынған».  Мұнда 2000-нан аса тұрғын өмір сүреді. Әрине, кез келген уақытта адамның өліп кетуі әбден мүмкін болғанымен, мұнда адам жерлеуге тыйым салынған. Сондай-ақ бұл жерде ешкім сәбиін дүниеге әкеле алмайды. Аяғы ауыр әйелдер «Үлкен жерге» оралады. «Бұл мекен өзінше бөлек әлем болғандығы соншалық – онда бар проблема артта қалады», – дейді польшалық фотограф Доминика Гешицка (Dominika Gesicka). Гешицка бұл жерге алғаш рет 2015 жылы келіп, кейіннен қаланы суретке түсіру үшін «Бұл шынайы өмір емес» деген фотожоба арқылы бірнеше рет қайта оралған. Мұнда полярлық аюлар өмір сүретіндіктен, адамдар серуенге шыққанда мылтық ұстап жүруге мәжбүр.
Қалада мысық, ағаш, бағдаршам дегендер атымен жоқ. Қысқы уақытта поляр түні төрт айға созылады, ал сәуір айының ортасынан бастап тамызға дейін – полярлы күн.Бұл елдің өмір сүруге қолайсыздығына қарамастан, мұнда келіп, бес-он жылға қалып қалғандар бар екен.

« алдыңғы бетке  |  келесі бетке »
ПІКІРІН БІЛДІРГЕНДЕР (0)
Пікіріңізді бөліскіңіз келсе:*
Жазылатын пікірдің көлемі 500 символдан аспауы керек
Аты-жөніңіз:*
E-Mail (сайтта жарияланбайды):
Мына код-сандарды енгізуіңізді сұраймыз:*
Жаңарту
* - жазылуы міндетті