Жақында «Арыс» баспасынан ҚР Мәдениет және ақпарат министр­лiгiнiң «Әдебиет­тiң әлеу­мет­тiк маңыз­ды түрлерiн басып шығару» бағдарламасы аясында белгiлi ғалым, педагог, өнер зерттеушiсi Әмина Нұғманның «Қазақтың әншiлiк дәстүрi» атты монографиясы жарық көрдi.Халық әндерiн өзiне тән нақышпен тамылжыта орындаумен қатар, оны зерттеп, насихаттауда да Әмина Нұғман ұлан-ғайыр еңбек еттi. Ә.Нұғман Қазақтың Қыздар педагогикалық институтында 30 жылға жуық еңбек етiп, «Музыкалық тәрбие әдiстемесi» кафедрасын басқарды. 1989 жылы Құрманғазы атындағы Ұлттық консерваторияда «Халық әнi» кафедрасын ашты. 1971 жылы Мәскеуде «Қазақ орта бiлiм беру мектептерiндегi бала даусының тәрбиесi» атты кандидаттық диссертация қорғады. Докторлық монографиясын 1986 жылы жазып бiтiргенiмен, «Желтоқсан көтерiлiсiне қатысты» деген айып тағылып, қорғауына мүмкiндiк берiлмедi. Бұл еңбекте Қазақстанның төрт өңiрiнiң әншiлiк мектебiнiң тарихы, өзiндiк ерекшелiктерi толықтай қамтылып, түбегейлi зерттелген. Бұл монография педагогикалық жоғары оқу орындарына оқулық ретiнде және жалпы өнерсүйер қауым назарына тұңғыш рет ұсынылып отыр.

 

Қадiрлi ән сүйер қауым! Сiз­дердi 27 наурыз күнi Алматы қаласындағы Республика сара­йында, Қазақстан өнер шебер­ле­­рiнiң қатысуымен, ХХ ғасырдың 50-70 жылдар аралығында ұлт­тық ән өнерiмiздiң алтын қорына «Ұстазым менiң, ұстазым», «Қайдасыңдар, достарым», «Әлi есiмде», «Ақсәуле», «Жайық қызы», «Батыр бала Болатбек», «Бейбiтшiлiк сақталады», «Маржан қыз», «Сағыныш екен бала кез», «Қыз әзiлi» секiлдi таңғажайып әндерiмен өз қолтаңбасын қалдыра бiлген, аты аңызға айналған көрнектi композитор Әбiлахат Еспаевтың 85 жылдық мерейтойына орай өтетiн ән кешiне шақырамыз.

Басталуы: 19.00-де

Әбiлахаттың әндерiн сағынған боларсыздар, келiңiздер, көрiңiздер!

 

Құрметтi әнсүйер қауым! Сiздердi 14 наурыз күнi сағат 15.00-де Республика сарайында өтетiн «Жұлдыздар отбасы» жур­налының «Қош келдiң, әз Наурыз!» атты ұлттық ән-думан мерекесiне шақырамыз!

Кеште Роза Рымбаева, Мақпал Жүнiсова, Майра Мұхамедқызы, Бекболат Тiлеухан, Рамазан Стамғазиев, Қыдырәлi мен Қарақат, Жанар Айжанова, Гауһар Әлiмбекова, Отанбек Еңсехан, Бекжан Тұрыс, Досымжан Таңатаров, Алтынай Жорабаева, Тамара Асар, «Ұлытау» тобы, «Жiгiттер» квартетi, Еркiн Нұржанов және тағы басқа атақты әншiлер мен топтар өнер көрсетедi.

 

Бiр жарым жыл бойы алдаспан өнерiмiз қағажу көрiп, оған тыйым салынғаны рас.

Бiрақ, «бас кеспек болса да, тiл кеспек жоқ». Нағыз ақындар бұғауды бұзғандай болып, 21-22 наурыз күндерi Алматыдағы Жолдасбеков атындағы студент­тер сарайында атой салмақшы.

Келiңiз! Көрiңiз! Атамұра өнердi қолдап, тамашасына ортақ болыңыз.

Басталуы 16.00

Студенттер сарайы.