– Жастардың мұндай бастама көтерiп жатқанына мен қуандым. Олардың саясатқа араласуын мейлiнше қолдаймын. Саясат жасы келгендердiң iсi дегенге келiспеймiн. Керiсiнше, онымен жастар айналысуға, саясаттың өзiн жастар жасауға тиiстi. Елiмiздегi өзгерiстерге де олардың бей-жай қарамауы қуантады. Көп жылдан берi шешiмiн таба алмай келе жатқан мемлекеттiк тiл проблемасы, билiк бастама көтерiп жүрген “қазақстандық ұлт” мәселесi, осының барлығы да жастардың назарында екенiн бiлдiру үшiн, олардың наразылығын жеткiзу үшiн мұндай үндеулер қажет. Сондықтан, бұл жастарды толықтай қолдаймын. Бұл бастаманы “Рух пен тiл” клубы көтерiп жүргенiн естiдiм. Оларды осы бетiнен таймауға, ұлттық мүдденiң басында жүруге шақырамын. Iстерiңе – сәттiлiк!

 

– Жастар – мемлекетiмiздiң болашағы. Яғни елiмiздiң келешегi солардың қолында. Оның қандай болары дәл сол жастардың белсендiлiгiне тiкелей байланысты. Сондықтан, жастар пiкiрiн ашық та батыл айтып, оны жоғарғы билiкке жеткiзiп жатса, ол әрине қуантады. Мұндай жастардың көбейгенiн қалаймыз. Ал президентке бұл ашық хат жете ме, жетпей ме, ол жағы белгiсiз. Жеткен жағдайда да жауап болады деп ойламаймын. Мәселе – жастардың батылдық танытып, бастама көтергенiнде. Мұндай жастарды қолдауға тиiспiз.

 

Ашық хатты толық қолдаймын. Әлбетте, қолдаушылар қатарында тек қана студенттер мен журналистар, ақындар ғана болмауы тиiс. Аузы дуалы, әшейiнде дес бермейтiн «зиялы қауым» қайда? Бұл жолы елбасы көнбесе, қатаң шараларға бару керек.

Жарайсыңдар жастар, алға!

Мiне, азаматтар! Тек көретiн көз бен тыңдайтын құлаққа жеткiзе көр, Алла!

Ұлт мәселесi кейбiреулер айтатын сияқты кекетiп-мұқатуды, ойын-мысқылды көтермейтiн аса нәзiк проблема.

Алғаш рет ұлт зиялылары Мұхтар Шаханов ағамызбен үндес болып биiлiкке 9 түрлi талап қойды, әрi осы талаптары орындалмаса қатаң қадамдарға баратынын жариялады. Бұл қуантады! Ендi мiне жас ақын, жазушылар, журналистер, қоғамдық қозғалыстар жетекшiлерi бастап, 7000 студент қостап, президентке ашық хат жолдап отыр. Билiкке қо­йылған 9 талаптың орындалуын талап етiп отыр . Олар “Тәуелсiздiктi қорғау” қозғалысын қолдайтындарын бiлдiрдi , бұл да қуанарлық жағдай. Биiлiкке ұлтжанды күштер келiп, қазақтың мүддесiн қорғауы керек! Қазақ жастары осы iзбен алға iлгерiлейiк , қайтпайық ағайындар !

Басқа қалада тұратын азаматтар қалай қол қоя алады? Соның анық әдiс-тәсiлi бар ма? Тек Алматымен шектелу тым өнiмдi нәтиже бермейдi. Мүмкiн болса Ашық хатты қолдаушылар қолын миллионға жеткiзу керек! Жолдамас бұрын бiр-екi апта бойы түрлi амалмен қол жинаған дұрыс шығар.

1986 жылы бiр үлкен кiсi: “Алпыс жыл бойы айта алмай келгенiмiздi 60-жылғылар жеткiздi ғой» – деп едi. Солардың қатарында бiз де болдық. Наразылығымызды желтоқсанда жеткiздiк. Ендiгi кезек бiзден кейiнгi буынға келдi. Ел үшiн, тiл үшiн, болашақ үшiн сендердiң де тайталасқа түсiп, өздерiңдi көрсететiн кездерiң келдi деп ойлаймын. Алла жар болсын!                            

Назарбаевта иманның кiшкене ғана жұрнағы қалса, қазақтың зиялы жастарының ашық хатындағы талап-тiлектерiн орындайды. Ал егер, ананы, мынаны сылтауратып, көп сөз қылып, шала-жансар бiрдеңелердi ұсынып алдаусыратып, бұлғақтаса, онда бүкiл қазақ елiнiң халқы одан бiржолата, мәңгiлiкке түңiле берсе болады. Бұл менiң ойымша, ең соңғы мүмкiндiк.

Ұйықтап жатқаннан гөрi, дәл осылай ашық хаттарды бұрқырата беру керек. «Жарайсыңдар!» дегеннен басқа не келедi қолымыздан.

Хатты толығымен қолдаймын! Осы бiр айтайын дегенiм, құрметтi қауымдастар, қазақтар, бiздiң президенттiң жыл сайынғы жолдауларында, тiптi халықпен сұхбаттасқан кездерде, президенттен «халқым», «ұлтым», «отаным» деген сөздердi естiдiңдер ме? Шынында да, ойландыратын нәрсе. Оқырмандар, осы сұраққа ойланып көрiңдершi , одан шығар қорытындысын да түйiндей берiңдер!