9 ақпан 2010
Намысымызға тидi...
ҚР Туризм және спорт министрлiгiнiң назарына!
Менiң ұлым Жайнақов Дәурен 2009 жылдың 7 қарашасында Грекияның Салоники қаласында самбо күресiнен өткен дүние жүзiнiң 57 мемлекетiнiң палуандары қатысқан әлем чемпионатында 1-орын алып, алтын алқа тағып оралды. Бiздердiң, яғни, ата-анасының қуанышында шек болған, жоқ. Ауыл-аймақ, бота-тайлағымызбен Дәурендi шашу шашып күтiп алдық.
Әрине, менiң айтпағым бұл емес. Сонау Грекия елiнде, қазақ елiнiң ән ұранын шырқатып, жалауын желбiретiп келген ұлымды не әкiмшiлiк, не құзырлы бiр мекеме қолын алып құрмет көрсетуге жарамады.
Басқа елде “елiмнiң намысын қорғадым” деп келген ұлымның өз елiнде намысы жердей болды. Менiң ұлыммен бiрге батысқазақстандық Ерболат та алтын алқа тағып келдi. Оны оралдық жерлестерi басына баспана, астына машинаның кiлтiн берiп қарсы алды. Ал Алматының әкiмi менiң ұлымның қолын алып құттықтауға жарамады. Теледидар арқылы қомақты ақшалай сый көрсетемiз деп сөз жүзiнде ғана айтты. Бiздi алдады ма, жоқ өздерiн өздерi алдады ма, бiлмеймiз...
Дәл қазiргi уақытта ұлым Алматыдағы әскерилердiң орталық спорт клубының сапында. Ал ендi сол орталық спорт клубының берген сыйы – қолға ұстайтын компьютер. Мiне, алған сыйымыз осы ғана.
Ендi бiздiң бiлгiмiз келетiнi, осы “Әлем чемпионы” деген атқа өкiметтен қандай көмек болады?
Жайнақова Оралхан Алпысбайқызы,
әлем чемпионының анасы.
Андас батыр ауылы,
Меркi ауданы,
Жамбыл облысы.
Дәл қазiргi уақытта ұлым Алматыдағы әскерилердiң орталық спорт клубының сапында. Ал ендi сол орталық спорт клубының берген сыйы – қолға ұстайтын компьютер. Мiне, алған сыйымыз осы ғана.
Ендi бiздiң бiлгiмiз келетiнi, осы “Әлем чемпионы” деген атқа өкiметтен қандай көмек болады?
*********************************************
Қазақ халқы мен сігән халқының ортақ қасиеттерін санасақ, көп екен.
Атырау жақ, қазіргі вахаби ағымына қатты берілген аймақ деп көп естуші едім. Соған тағы бір рет көз жеткіздік. Қазақтар Құдай тағаланы Алла деп айтқан, арабтар секілді Аллаһ деп емес...
Анасы ешкім ұлының еңбегін бағаламағаннан ашынып жазған болар осы мақаланы.