2 наурыз 2010
Қысқа қайырғанда
– Оралдың “Ақжайық” клубы мен Қарағандының “Шахтерi” Ресейдiң екiншi лигасында ойнайтын “Тюмень” клубымен жолдастық кездесу өткiзiп, жеңiлiп қалды. Оралдықтар қарсыластарынан 0:3 есебiмен ұтылса, қарағандылықтар 1:4 есебiмен қапы қалды.
– Ашхабадта футболдан “Түрiкменбашы” кубогын сарапқа салған Көкшетаудың “Оқжетпесi” үшiншi орын үшiн болған ойында Түркияның клубтар құрамасынан 0:3 есебiмен ұтылып, жүлдесiз қалды. Өз тобында озып шыққан “Оқжетпес” футболшылары жартылай финалда Түрiкменстанның “Алтыр асыр” командасынан 0:1 есебiмен жеңiлiп қалды.
– Алматының “Қайрат” Түркияда Грозныйдың “Терегiмен” жолдастық кездесу өткiзiп, 0:1 есебiмен ұтылып қалды.
– Беларусь маманы Павел Родненок баптайтын елiмiздiң жастар құрамасы оқу-жаттығу жиындарын Шымкентте өткiзiп жатыр.
– Талдықорғанның “Жетiсу” футбол клубы Қарағандының “Шахтерiнде” өнер көрсеткен Иван Перичпен келiсiмшартқа отырды.
– Италияда “Романың” қосалқы құрамымен жолдастық кездесу өткiзген Қостанайдың “ Тобылы” қарсыластарын 4:0 есебiмен ойсырата жеңдi. “Тобыл” сапынан Нұрбол Жұмасқалиев пен Ұлықбек Бақаев екi-екi доптан соқты.
– Астананың “Локомотив” клубының бас бапкерi Хольгер Фах өз еркiмен командадан кетуi мүмкiн.
– Шымкенттiң “Ордабасы” клубы украиналық қорғаушы Артем Касьяновпен келiсiмшарт жасасты.
