Үшінші мегаполисте 700 мың шаршы метр үй салынуда

02.09.2018, 15:42

49

Шымкентте тұратын халықтың саны миллионнан асты. 2025 жылға қарай мегаполис тұрғындары 1,3 миллионға жетеді. Бұл кезде қалада көптеген мектептер, ауруханалар мен балабақшалар салынуы тиіс. Сонымен бірге халықты қолжетімді баспанамен қамтамасыз ету де маңызды мәселеге айналып келеді. Осы өзекті мәселені ескере келе «7-20-25» бағдарламасы бойынша  Шымкентте тұрғын үй құнының лимиті 25 миллион теңгеге дейін ұлғайтылды.  Бұл туралы Шымкент қаласы әкімдігінің баспасөз қызметі мәлім етті.Ұлттық Банк басқармасы қабылдаған қаулыға сәйкес, Шымкент қаласы үшін «7-20-25» бағдарламасы бойынша сатып алынатын тұрғын үйдің ең жоғарғы сомасы 15 миллион теңгеден 25 миллион теңгеге дейін ұлғайтылған.-Бұл Шымкент тұрғындары үшін жағымды жаңалық. Қалада тұрғын үй құрылысы белсенді түрде дамып келеді. Бүгінде Шымкентте 700 мың шаршы метр тұрғын үй салынуда. Лимиттің ұлғаюы қала тұрғындарына тұрғын үй жағдайын жақсартуға қосымша мүмкіндік береді, — деді «Баспана» ипотекалық ұйымының басшысы Қайрат АЛТЫНБЕКОВ.Естеріңізге сала кетейік, еліміздің бес қаласында аталған бағдарлама аясында тұрғын үйді сатып алудың ең жоғарғы сомасы 25 миллион теңгені құрайды. Олардың қатарында  Астана, Алматы, Ақтау, Атырау және Шымкент қалалары бар. Ал, өзге  өңірлерде тұрғын үйді 15 миллион теңгеден қымбат емес бағаға сатып алуға болады.Айта кетейік,  ағымдағы жылдың 19 шілдесінде Шымкент республикалық маңызы бар қаланың мәртебесіне ие болды. Тиісті Жарлыққа Мемлекет басшысы қол қойған болатын. Сондай-ақ ҚР Парламент мәжілісінің бір топ депутаттары келіп, «7-20-25» бағдарламасы бойынша атқарылып жатқан жұмыстармен танысып кеткен еді. Сол кезде қала басшылары мен жергілікті құрылыс компаниялардың басшылары аталған бағдарлама аясында тұрғын үйді сатып алудың ең жоғарғы сомасын 25 миллион теңгеге көтеруді сұраған.Фото автордікі.
Тегтер:

ҰҚСАС ЖАҢАЛЫҚТАР

Арайлым ЕРКЕБАЕВА 10:52
Прокурор 10 жылға соттамақ болған Шкарупа ақталып шықты
Айжан БҮРКІТБАЕВА 09:02
«Сенім кредиті» таусылған Көлгінов отставкаға кете ме?
Сайт әкімшілігі 27.01.2021, 14:20
ҰҚК есірткі жеткізуге қатысы бар деструктивті діни ағым жақтастарын ұстады
Сайт әкімшілігі 27.01.2021, 09:56
Бір тәулікте қанша адам коронавирус жұқтырғаны анықталды
Бифат ЕЛТАЕВА 27.01.2021, 09:28
Кім көрінгеннің ермегіне айналған отбасы заңы
Сайт әкімшілігі 26.01.2021, 14:20
Қазақстан "қызыл" аймаққа енді

Аңдатпа


  • «Жас Алаш» – қазақтың сөз киесін арқалаған қасиетті шаңырағы
    09:17
  • Кім көрінгеннің ермегіне айналған отбасы заңы
    27.01.2021, 09:28
  • Озат ойдың айбыны
    26.01.2021, 11:26
  • Өкімі өзінен бұрын жеткен Сақтағанов Семейді басқаруға тағайындалды
    26.01.2021, 10:23
  • "Вакцина жасатқандар жарты жылдан кейін жаппай өле бастайды», бұл ақиқат па?
    25.01.2021, 09:46